لا أؤمن بالأبراج، تمامًا كما يقول برجي عني
بحب قوي الناس اللي بتؤمن بالأبراج وبيصنفوا الناس على أساسها، وبحب أكتر أن تاريخ ميلادي (الموجود على فيسبوك وفي شهادة الميلاد) غير تاريخ ميلادي الحقيقي، والاتنين (حسب تصنيف الأبراج) في برجين مختلفين. فبتكون لحظة من لحظاتي المفضلة لما حد عارف تاريخ ميلادي من فيسبوك يجيب سيرة الأبراج ويقول: أنت أكيد بتعمل كذا علشان برج كذا بقى، هو دا طبعكم وعمركم ما هتغيروه. فأقعد أسألهم عن معلومات أكتر عن البرج، وأقول: "مش مومقين دا حرفين أنا" لحد ما تتحول نظراتهم بعد ما يعرفوا أني مولود في تاريخ مختلف ببرج مختلف عن اللي كانوا بيتكلموا عليه. كم أنا مُروِاغ لا يؤمن بالخرافات كالأبراج، ويصعب خداعُه، تمامًا كما يقول بُرجي عني.